گلميشم گؤزلرينين گؤرماقينا نازلي ياريم

مني قئيترمه الي بوْش باشيوا من دوْلانيم

نه گليب گولوم سنه دردين آليم سؤيله منه

ده گؤروم نه گلدي بيردن گؤزه ليم گولوم سنه

هاني اوْل قامت رعنا هاني اوْل حسن جمال

هارا گئتدي گؤزه ليم اي بئله سنده عشق و حال

سن كي يئرده اوْتومازدين گؤرورم كي ياتميسان

منه سن باخاردين اي گول نيه بس دا باخميسان

مني سن گؤرنده اي گول سئوينردين گؤزه ليم

بير اوْيان آچ گؤزونو گؤركي الينده دير اليم

من سنه جانيمي وئررم ايه لايق بوله سن

آلارام شادليقي من جانيمه بيرده گوله سن