خبرين يوخ گؤزه ليم كؤنلوم ائديب قان زولفون
ائيلمه گول اوزونه بيرده پريشان زولفون
يئتمه سين كامه وصاليندن ائدن عاشقيني
راضييام كؤنلوم ائوين ائيله سه ويران زولفون
ال ووراندا سن اونا نازايله كؤنلوم اوزولور
نازنينيم داها ترپتمه صبادان زولفون
دائما مست گؤزون فيتنه لر اؤگرتميش اونا
او سببدندير ائديب عالمي حيران زولفون
سنه بير دفعه باخان عاشقي مين درده سالير
عادت ائتميش بو جفا ائتمكي چوخدان زولفون
ايسته ديم بيرده تماشا ائله يم گول اوزونه
گؤرنه ظالم دي منه وئرمه دي امكان زولفون
علمي واحد كيمي هر گون دلي ديوانه اولار
گورسه گر بير كره هر عاشق نالان زولفون
تاريخ : جمعه ۲۱ خرداد ۱۳۸۹ | | نویسنده : میثم |